၁၀-၉-၂၀၀၄ ရက်နေ့တွင် ဗုဒ္ဓဘာသာအသင်းအဖွဲ့(၉)ဖွဲ့ စုပေါင်းပြီး HIV ကိုစွဲကပ်ခံ နေရ သူများနှင့် ၎င်းတို့၏ မိသားစုဝင်များအား ထေရဝါဒဗုဒ္ဓဘာသာ အဆုံးအမများနှင့်အညီ ပူးပေါင်းကူညီပေးနိုင်ရန် သဘောတူ ညီချက်ဖြင့် စတင်ဖွဲ့စည်းတည်ထောင်ခဲ့သော ရတနာ့မေတ္တာအဖွဲ့

စတင်ဖွဲ့စည်းစဉ်က အိပ်ချ်အိုင်ဗွီပိုး ကူးစက်ခံရမှုမှ ကြိုတင်ကာကွယ် တားဆီးရေး လုပ်ငန်းများနှင့် ဝေဒနာရှင်များ အပေါ် အဆိုးမြင်ကာ ဂုဏ်သိက္ခာ ညှိုးနွမ်းစေမည့် နိမ့်ချခွဲခြား ဆက်ဆံမှုများ ကင်းစင်သော ပတ်ဝန်းကျင် ကောင်းဖြစ်လာ စေရန် ရည်ရွယ် လုပ်ဆောင်ခဲ့ပါသည်။ ၎င်းနောက် အန္တရာယ်ကျရောက်လွယ်သည့် ကလေးသူငယ်များအား ကာကွယ်စောင့်ရှောက်ရေး လုပ်ငန်းများကိုလည်း တိုးချဲ့ လုပ်ကိုင် ခဲ့ပြီး ၂၀၀၈ ခုနှစ် ၊ မေ လဆန်း နာဂစ်မုန်တိုင်းဒဏ် ခံခဲ့ရသည့် ဧရာဝတီတိုင်း ဒေသကြီးနှင့် ရန်ကုန်တိုင်း ဒေသကြီး များတွင် ကယ်ဆယ်ရေးနှင့် ပြန်လည်ထူထောင်ရေး လုပ်ငန်းများကို အင်တိုက်အားတိုက် ဆောင်ရွက်ခဲ့ပါသည်။